تعبت انا أنثر هم قلبـي علـى النـاس // وتعبت ادور للحقيقة ....../ حقيقـة !!


يلعن ابوه .. شعور .... لابوه إحساس // لاجيت أسوي من جراحي / حديقـة !!


شف لي طريقة لاغدى دربنا.. ياس ..! // تعبت انا ترديد ..( شف لي طريقة ) !!


ماعاد ياسع للحزن أي ....... كرّاس .! // وماعاد قلبي يحتمـل ... أي ضيقـة !!


شفني رشفت من الغرابيل كم كـاس ! // والصبر مابلّت أمانيه .... / .. ريقه !!


أكبر مصيبة طيحة إنسان .. حسّـاس ! // تسوى بعيني .. موت كـل الخليقـة !!


أكذب على نفسى إذا قلت " لابـاس " ! // و" الباس " أصلا ً من زهوري رحيقة !!


ياما تعبت أشحذ من عيوني .. انعاس ! // مامر ( ........ ) .. عيني .. دقيقة !!


صعبه تشوف بعينك الحلم / ينـداس ..! // كنّك اتطفي .. من دموعك / حريقـة !!


الموت ماهو لاانحني .. للتعب/ راس ! // الموت نفسك ... لانحنت / للخليقـة !!


كل الدروب أشوفها / ياس في يـاس ! // سايق عليك الله ( شف لي طريقـة ) !!